காதல் - டைரி

தமிழகத்தை சேர்ந்த இசையமைப்பாளர் ஏ.ஆர்.ரகுமான், சிறந்த இசையமைப்பாளர் மற்றும் பாடலுக்கான இசையமைப்பாளர் ஆகிய இரண்டு பிரிவுகளில் வென்று, இரண்டு ஆஸ்கார் விருதுகளை பெற்று இந்தியாவுக்கும், தமிழகத்துக்கும் பெருமை தேடி தந்துள்ளார்.

உலகளவில் திரையுலகினருக்கு வழங்கப்படும் உயரிய விருதாக கருதப்படும் ஆஸ்கார் விருது வழங்கும் விழா, லாஸ் ஏஞ்சல்ஸ் நகரில் இன்று காலை தொடங்கி நடைபெற்று வருகிறது.

இதில், முழுவதும் இந்தியாவில் தயாரிக்கப்பட்ட, இந்திய தொழில்நுட்பக் கலைஞர்கள் பெருமளவில் பங்கேற்ற ஸ்லம் டாக் மில்லியனர் திரைப்படம் மொத்தம் 10 பிரிவுகளில் போட்டியிட்டது.

இப்படத்தில் இசையமைத்த தமிழகத்தை சேர்ந்த ஏ.ஆர்.ரகுமான், சிறந்த இசையமைப்பாளர் மற்றும் பாடலுக்கான இசையமைப்பாளர் ஆகிய 2 பிரிவுகளில் விருதுக்கு பரிந்துரை செய்யப்பட்டிருந்தார்.

இந்நிலையில், இந்த இரண்டு பிரிவுகளிலும் வென்று, இரண்டு ஆஸ்கார் விருதுகளையும் பெற்று புதிய சாதனை படைத்துள்ளார் ஏ.ஆர்.ரகுமான்.

இந்த விருதுகள் அறிவிக்கப்பட்டதும் பலத்த கரகோஷங்களுக்கு மத்தியில் மேடையேறிய ஏ.ஆர்.ரகுமான், விருதை பெற்றபோது 'எல்லா புகழும் இறைவனுக்கே' என்று தமிழில் பேசினார்.

இதன்மூலம் இந்தியாவுக்கும், தமிழகத்துக்கும் கூடுதல் பெருமை சேர்த்துள்ளார் ஏ.ஆர்.ரகுமான்.

இரண்டு ஆஸ்கார் விருதுகளை வென்று, புதிய சாதனைப் படைத்துள்ள இசையமைப்பாளர் ஏ.ஆர்.ரகுமான், இந்த விருதுகளை தனது தாய்நாட்டுக்கு சமர்ப்பணம் செய்வதாக தெரிவித்துள்ளார்.

உலக அளவில் திரைப்படத் துறையினருக்கான உயரிய விருதாக கருதப்படும் ஆஸ்கார் விருதுகள் வழங்கும் விழா, லாஸ் ஏஞ்சல்ஸ் நகரில் நடைப்பெற்று வருகிறது.

இதில், 'ஸ்லம் டாக் மில்லியனர்' படத்தி‌ற்கு இசையமை‌‌த்த ஏ.ஆர்.ரகுமான், சிறந்த இசையமைப்பாளர் மற்றும் பாடலுக்கான இசையமைப்பாளர் ஆகிய இரண்டு ஆஸ்கார் விருதுகளை பெற்று, சாதனை படைத்துள்ளார்.

இந்த விருதுகளை பெற்றது குறித்து ஏ.ஆ‌ர்.ரகுமா‌ன் கூறுகையில், "மூன்று வாரங்களில் 'ஸ்லம் டாக் மில்லியனர்' படத்துக்கு இசையமைத்து முடித்தேன். லண்டனுக்கு சென்று இந்த பணியை செய்தேன். தற்போது இரட்டை ஆஸ்கார் விருது கிடைத்திருப்பது, இன்னும் பெரிய அளவில் நான் செயல்படுவதற்கு உதவும் என்று கருதுகிறேன்" என்றார்.

"இந்த இரண்டு ஆஸ்கர் விருதுகளையும் எனது தாய் நாட்டுக்கு சமர்பிக்கிறேன்" என்று மேலும் கூறினார் அவ‌ர்.

இரட்டை ஆஸ்கார் விருது பெறும் முதல் இந்தியர் ஏ.ஆர்.ரகுமான் என்பது குறிப்பிடத்தக்கது.

Read more...

நமது கண்களும் நினைவும் மீண்டு
உயிர்த்தெழும் வரை போரிட்டு கொண்டே
இருப்பேன் எனது இதழ்களால்.....
பார்ப்போம் வெற்றி யாருக்கு கிட்டும் என்று....!.!..!

உனது ஸ்பரிசம் தொட்டு எனது காதலை
வெளிப்படுத்திய இடம்...என் காதல்
அழியவில்லை என்பதற்கு இதைவிட
வேறென்ன சாட்சி வேண்டும் எனக்கு...
போடி....

உரையாடலின் உச்சத்தில் இருக்கும் போது
என்னை திசை மாற்றி விட்டுவிட்டு நீ
கொடுக்கும் முத்தம் எல்லாம் இன்று
வசை பாடிவிட்டு திசை மாறி போனது.. ஏனடி...?
புரியவில்லை எனக்கு உன் கோபம்...
இது நிரந்தரமற்றதாகவே இருக்கட்டும்...

இயலாமையின் வலியின் உச்சத்தில்
இருக்கும் என் மனது அதன் விரக்தியை
என்னுள் இருந்து குருதியை வெளியேற்றி
அதில் வெற்றியும் பெற்றுவிடுகிறது... நான்
தோற்றுக்கொண்டே இருக்கிறேன்...

அன்று உனக்காக நான் வாங்கிய வெள்ளை
ரோஜா இன்றும் என் கையில்....சிறு மாற்றம்
வர்ணம் மட்டும் சிகப்பாய் மாறியுள்ளது.
இன்னும் சில நேரங்களில் அதனை பற்றி
இருக்கும் எனது கரமும் மாற தொடங்கிவிடும்..

Read more...

நீ தொடர்புகொண்டு என்னிடம்
பேசும் போது எல்லாம் நான்
தொடர்பிழந்து நிற்கிறேனே ஏனடி...?
இன்னும் புரியவில்லை காரணம் எனக்கு...!

* * * - - - - - - -

ஒரு முனையில் நீ..
மறுமுனையில் நான்...
சத்தம் மட்டும் இல்லை...
ஆனால் பேசுகிறோம்..
அது உனக்கும் தெரியும்..எனக்கும் தெரியும்.

*** - - - - - - - -

தொலைபேசியில் பேசும் போது
முத்தம் தரவில்லை என்று வருத்தபடுகிறாய்,
நாம் பேசும் போது நமக்கு பதில் , நமது வார்த்தைகள்
ஒன்றை ஒன்று முத்தமிட்டு கொண்டுதான் உன்னையும் என்னையும்
வந்தடைகிறது என்பதை நான் எப்படி சொல்லி
புரியவைப்பேன் உன்னிடம்...!

*** - - - - - - -

உன்னிடம் பேசுகையில்
உன் "ஹம் ", "ப்ச்" , "ஹேய்"
இந்த வார்த்தைகளுக்கு நடுவில்
மற்றவை தோற்று போய் நிற்கின்றன.
காரணமே தெரியாமல்..

*** - - - - -- - -

Read more...

*

சொல்லுவதற்க்காக நான் சென்ற
ஒவ்வொரு நாட்களும்
நீ என்னை கொல்லுவதற்காக (உன் பார்வையால்)
வந்தாய் என்பது ஏன் எனக்கு அப்போது
தெரியாமல் போய்விட்டது..?

*

பல நாட்களுக்கு பிறகு நமது
காதல் கடிதத்தை படிக்கும் போது
சிறு காயம் ஏற்படுத்திவிட்டது..ஒன்றும் இல்லை..
மனதின் வலியில் கொதித்து கொண்டு இருந்த
கண்ணீர் துளி ஒன்று கரம் தொட்டு
சிரித்துவிட்டு சென்றது..

*

இருமுறை காதல் கொள்ளும்
தோழமைகளே.. உங்களுக்கு
மட்டும் எப்படி முடிகிறது..?
கடவுள் இரு மனசையாய்
கொடுத்துள்ளான்..?

*

வரம் ஒன்று கேட்க வேண்டும் என்றால்
இரவு நேரத்தில் மட்டும் எனது உயிரை
எடுத்துகொண்டு பகலில் கொடுத்துவிடு
இறைவனே.? இனியும் வேண்டாம்
எனது செத்து பிழைக்கும் விளையாட்டு
இரவில்..

*

Read more...

Read more...

ஒவ்வொரு நாளும் உன்னுடைய வீட்டை
கடந்து செல்லும் போது உனது மின் பார்வையில்
இருந்து மீளாமல் செல்ல முடியவில்லை..

**

ஊரெல்லாம் மின்சார தட்டுப்பாடு...
இவளின் கண்களில் மட்டும் எப்படி
இவ்வளவு பவர்..?

**

உனது கடைக்கண் பார்வை பட்டு எரி நட்சத்திரமாய்
கீழே விழும் என்னை ஒரு முத்தம் கொடுத்து
எழுப்ப கூடாதா..?

**

ஐன்ஸ்டீன் வாழும் காலம் நீ இல்லை...
இல்லை என்றால் மின்சாரம் கண்டுபிடிக்காமல்
போய் இருக்க கூடும்...

**

ஒரு கண்களால் என்னை பார்க்கும் போதே
இப்படி ஆகின்றேனே.. இரண்டு கண்ணால் பார்த்தால்..?

**

நீ பேசி கேட்டதை விட..உன் கண்கள் பேசி
பார்த்ததே அதிகம் எனக்கு...

**

குறிப்பு...:

நாமளும் மத்தவங்க போல சும்மா இருந்துடலாம் என்று நினைச்சா ரசிகர்கள் தொல்லை தாங்க முடியவில்லை.... இங்க பதிவர் வட்டத்துல நிறைய பேரு ஒளிஞ்சிகிட்டு இருக்காங்க.. அவங்க எல்லாரும் யாருன்னு நான் சொல்லி தெரியவேண்டிய அவசியம் இல்ல... உங்களுக்கே புரியும் என்று நினைக்கிறேன்...

Read more...

எத்தனை முறை உன்னிடம்
என் காதலை சொல்லி இருக்கேன் தெரியுமா..?
உனக்கு தெரியாது......
உன் நிழலிடம் கேட்டுப்பார்..

*

உன் முகத்தை பார்த்து சொல்ல தைரியம்
இல்லாத நான் எனது காதலை
எத்தனை முறை பாதியிலேயே
கொட்டிவிட்டு சென்று இருக்கேன்
தெரியுமா உனக்கு.?

*

எனது வீட்டு ரச கண்ணாடி
என்னை காதலிக்கிறதாம்
உன்னிடம் நான் காதலை
சொல்லுவதற்கு முன் ஒத்திசை
நடத்தியதின் பரிகாரம்..

*

எனக்கு தெரியும் சொல்லிய காதலை
விட சொல்லாத காதலே சிறந்தது என்று..
உன்னிடம் சொல்லிவிட்டு நான்
காதல் அவஸ்தை படுவதை விட
சொல்லாமலே போய்விடுகிறேன்..

*

மீண்டும் ஒரு ஜென்மம் ஒன்று இருந்தால்
தயவு செய்து எனது காதலியாக இருந்து விடாதே.
பாவம் நான்...காதல்...சாதல்....

*

Read more...

Read more...

Read more...

.
..கவிதை என்பது நமக்கு அனைவருக்கும் பிடித்த ஒன்று தான்..மனித உணர்வுகள் மற்றும் உணர்ச்சிகளின் கோர்வைதான் கவிதை.சரி.. இப்போது நாம் வருவோம் விஷயத்திற்கு..
அரபு நாட்டை சேர்ந்த கவிஜர் "வாக்கில் காசும் " என்ற ஒரு புகழ் பெற்ற கவிஜர் தற்போது வெளியிட்டு இருக்கும் "அக்ரலாகிக்கலு மொக்ரைன்" எனும் கவிதை தொகுப்பிலிருந்து மிக சிறந்த கவிதை உங்களுக்காக..
நான் மிகவும் ரசித்தேன்.. இரண்டாவது கவிதையை..என்ன ஒரு ரசனை அந்த கவிஜனுக்கு..


உங்களுக்கும் அந்த இரண்டாவது கவிதை பிடித்து இருக்குல...?

Read more...

Read more...

.

Read more...

பாருங்கள் இவளை...! எவ்வளவு அழகாக
இடம் மாறி மாறி கோலம் போடுகிறாள் என்று..!
இதை எல்லாம் விட்டு விட்டு எதை எதையோ
ஒளிபரப்பு செய்கிறார்கள்....!

*

நீ கோலமிட்டு முடிக்கையில்.. அதில் உள்ள
பூக்கள் எல்லாம் ஏனோ தெரியவில்லை..
உயிர் பெற்று விடுகிறது..

*

அதிகாலை சோம்பேறி-யாகிய நான்
நீ கோலமிட வருகையில் உனது
காவலனாய் நான்... எனக்கே தெரியாமல்..!

*

நீ கோலமிடும் போது வேடிக்கை பார்க்கும்
சிறு குழந்தைகளுக்கு நடுவில் நானும்..
உனது கோலமிடும் அழகை ரசித்து..!

*

உனது வீட்டு பக்கமாய் செல்கையில்..
உன்னை பார்க்காத துக்கத்தை..உனது
கோலம் சிறிது ஆற்றிவிடுகிறது.

*

Read more...

சீனாவில் நடைபெற்று வரும் ஒலிம்பிக்கில் 25 வயது இந்திய இளம் வீரர் அபினவ் பிந்த்ரா இன்று நிகழ்ந்த துப்பாக்கி சுடும் போட்டியில் தங்கம் வென்றார். தனிநபர் முறையில் இந்தியா தங்கம் பெறுவது இதுவே முதல் முறை என்பது குறிப்பிடத்தக்கது.

இந்தியாவுக்கு ஒலிம்பிக் போட்டியில் தங்கப் பதக்கம் கிடைத்திருப்பது கிட்டத்தட்ட 28 ஆண்டுகளுக்குப் பிறகு நடந்துள்ளது குறிப்பிடத்தக்கது.

கடைசியாக இந்தியா, 1980ம் ஆண்டு மாஸ்கோவில் நடந்த ஒலிம்பிக் போட்டியில் ஹாக்கியில் தங்கம் வென்றிருந்தது. அதன் பின்னர் இந்தியாவுக்கும், தங்கப் பதக்கத்திற்கும் வெகு தூரமாகி விட்டது.



லியாண்டர் பயஸ் - மகேஷ் பூபதி தங்கப் பதக்கத்தை வெல்லும் வாய்ப்பை கடந்த ஒலிம்பிக் போட்டிகளில் நழுவ விட்டிருந்தது.



கடந்த ஒலிம்பிக்கில் மயிரிழையில் ராஜ்யவர்த்தன் ரத்தோர் தவற விட்டு வெள்ளிப் பதக்கம் வென்றார். இவரும் துப்பாக்கி சுடுதல் வீரர் என்பது குறிப்பிடத்தக்கது.அந்த வகையில், 28 ஆண்டு கால தங்கப் பதக்க வறட்சிக்கு இந்தியா தற்போது முற்றுப்புள்ளி வைத்து விட்டது.



மேலும், ஒலிம்பிக் போட்டியில் தனி நபர் வீரர் யாரும் இந்தியாவுக்காக தங்கப் பதக்கம் வென்றதில்லை. அந்த வகையில் பிந்த்ரா புதிய வரலாற்றையும் படைத்துள்ளார்.




தங்கப் பதக்கம் வென்ற அபினவ் பிந்த்ராவுக்கு குடியரசுத் தலைவர் பிரதீபா பாட்டீல், பிரதமர் மன்மோகன் சிங், காங்கிரஸ் தலைவர் சோனியா காந்தி, விளையாட்டுத்துறை அமைச்சர் எம்.எஸ்.கில் உள்ளிட்டோர் வாழ்த்து தெரிவித்துள்ளனர்.



தங்கப் பதக்கம் வென்றது குறித்து பிந்த்ரா கூறுகையில், இது எனக்குக் கிடைத்த வெற்றியல்ல, இந்தியாவுக்குக் கிடைத்த வெற்றி என்று அடக்கத்துடன் குறிப்பிட்டார்.



இந்திய ஒலிம்பிக் சங்க தலைவர் சுரேஷ் கல்மாடி கூறுகையில், இந்திய வரலாற்றில் இது மிகவும் முக்கியமான நாள். பிந்த்ராவின் வெற்றியால் இந்தியாவுக்கே பெருமை கிடைத்து விட்டது என்றார்.



பிந்த்ரா சாதனை படைத்த அதே நேரத்தில் இந்தியாவின் இன்னொரு வீரரான ககன் நரங் இறுதிச் சுற்றுக்குத் தகுதி பெறவில்லை.



பிந்த்ரா பங்கேற்ற அதே பிரிவில்தான் நரங்கும் கலந்து கொண்டார். 600க்கு 595 என்ற புள்ளிகளையே அவர் பெற்றதால், இறுதிச் சுற்றுக்கு நரங் தகுதி பெற முடியாமல் போனது. 2001-ல் நடைபெற்ற காமன்வெல்த் போட்டியில் துப்பாக்கிச்சுடும் போட்டியில் தங்கப் பதக்கமும் ராஜிவ் காந்தி கேல்ரத்னா விருதும் பெற்றார்.




ஆண்களுக்கான 10 மீட்டர் துப்பாக்கி சுடும் போட்டியில் தங்கம் வென்று அபினவ் சாதனை படைத்துள்ளார்.100 கோடி இந்தியர்களின் கனவை நனவாக்கும் விதத்தில் ஒலிம்பிக்கில் முதல் தங்கம் வென்றுள்ள அபினவ் பிந்த்ராவுக்கு வாழ்த்துக்கள்.

Read more...

               எனக்கு எப்போதுமே... அடுத்தவங்க பேச்ச கேக்குறதே... ஒத்துவராது..(என்னைக்கு தான் கேட்டு இருக்கோம்..?)இதுல.. நம்ம ஸ்ரீ.. பிரதர்... அவருக்கு வச்சி இருந்த ஆப்பு எடுத்து எனக்கு வச்சிட்டார்.. எனக்கு டைரி ல... கிறுக்குகிறது தான் தெரியும்.. வாழ்க்கையில முதல் தடவையா... பதிவு எழுதுறேன்.. அது எழுத வாய்(ஆ)ப்பு- கொடுத்த எங்க ஸ்ரீ. பிரதர் அவர்களுக்கு கோடான கோடி.. நன்றிகள்... ( நல்லா இரு..ராசா.)..
          நீங்க நெனைக்குற மாதிரி நான் ஒன்னும்... இந்த வெப்சைட் எல்லாம்.. நெட்ல தேடி இங்க பதிவு போடல.. இது எல்லாம் நாங்க எப்போதும் வழக்கமா பாவிக்கிறது தான்..(?) ..


A --> http://www.adhikaalai.com

இங்க போனால்.. காலையிலே அதிகாலை சூரியன் எப்படி ஒரு இதமான சூடான வெயில் தருகிறதோ..அது போல் செய்திகள் இங்கு கிடைக்கும். அரசியல் ,கலை, இலக்கியம் மற்றும் பல செய்திகள் கிடைக்கும்..
காலையில வந்த உடனே... நெட் ஆன் பண்ணி.. இங்க தான் போய் இன்றைய செய்தி படிப்பேன்.. ரொம்ப பயனுள்ளதா இருக்கும்..

          http://www.abdulkalam.com/kalam/index.jsp

டாக்டர்.அப்துல் கலாம்.வாழும் கடவுள்...... தினமும் இவரை வணங்கிவிட்டு தான் எனது பணியை துவக்குவேன்.. அப்படிப்பட்ட இவரை பற்றி தெரிந்துகொள்ள இது ஒரு மிக சிறந்த தளம்..

B --> http://www.blogkut.com

இந்த வெப்சைட் ல .. போய்... கொஞ்சம் பிளாக்கர் எல்லாம் நேரம் இருக்கும் பொது போய் மேய்ந்து விட்டு வருவேன்.. நம்ம தமிழ்மணம் போலவே இருக்கும்.ஆனால்..இன்னும் கொஞ்சம் நிறைய தகவல் கிடைக்கும்..

C --> http://www.cooltoad.com

அனைத்து மொழி சாங்க்ஸ் , வீடியோஸ் , புக்ஸ் இன்னும் நிறைய இங்கு கிடைக்கும்.. ரொம்ப ரொம்ப நல்ல வெப்சைட்.. நிறைய தகவல்கள் இருக்கு.. நான் ரொம்ப பாவிக்கிற இணையதளத்தில் இதுவும் ஒன்று..

          http://www.charuonline.com/

இவருக்கும் , ஜெயமோகனுக்கும் சண்டை வரும் பொது போய்..படிச்சு மனச தேத்திகிறது..

          http://www.cafe.ibibo.com

இது நம்ம ஓர்குட் மாதிரி தான்... நிறைய நண்பர்கள் பெறலாம்..சுலபமாக..இங்கு நிறைய நண்பர்கள் இருக்காங்க.. ஆனா போக தான் நேரம் இல்ல..

          http://www.channelhaven.com

அனைத்து விளையாட்டு , டிவி ஆன்லைன் ல பார்க்குறதுக்கு இதவிட ஒரு சிறந்த வெப்சைட் இல்ல. ஆபீஸ் ல ஸ்க்ரீன் சின்னதா வச்சிக்கிட்டு நாங்க எல்லாம் இதுல ஒக்காந்து இருப்போம்..

D --> http://www.dinamalar.com

காலையிலேயே நியூஸ் பேப்பர் படிக்கல என்றால் பயித்தியம் புடிச்ச மாதிரி ஆயிடும். எனக்கு தெரியும்.. இங்க ஏன்டா.. நீ போய் நியூஸ் படிக்கிற என்று கேட்குறது காதுல விழுது.. இங்க போய் நான் விளையாட்டு செய்தி மட்டும் படிப்பேன்.. மத்த நியூஸ் எல்லாம் சுமார் தான்..

          http://www.dinamani.com

இங்க நியூஸ் நடுநிலையா இருக்கும்.. ஆனால் ஏன் இன்னும் இணைய தளத்தை புதுபிக்காம இருக்காங்கனு தெரியல..

E --> http://www.esnips.com

இங்க போய் நிறைய வீடியோ , ஆடியோ, சிறந்த எழுத்தாளர் புத்தகம் இப்படி நிறைய தேடி டவுன்லோட் செய்து கொள்ளலாம்.. ரொம்ப நல்ல வெப்சைட்.

F --> http://www.freevbcode.com

நாம தான்... விசுவல் பேசிக் சிங்கம் என்று சொல்லி உங்களுக்கு தெரிய வேண்டியது இல்ல..( சும்மா சொல்லிக்க வேண்டியது தான்..என்ன பண்ணுறது? ஐந்து வருஷமா அதுல தான் குப்பை கொட்டிகிட்டு இருக்கேன்.). இங்க போனால் நிறைய ப்ரோக்ராம் சுடலாம்.. நம்ம பொழப்பே அதானே.!

G --> http://www.google.com/transliterate/indic/Tamil

தமிழ்ல டைப் பண்ணுறதுக்கு இதவிட ஒரு மிக சிறந்த வெப்சைட் இருக்கும் என்று எனக்கு தோனல.. எப்போதும் இந்த இணைய பக்கம் தொறந்தே இருக்கும்..என் கணினியில்..

H --> http://www.hotmail.com

ரொம்ப நல்ல வெப்சைட்.. மைக்ரோசாப்ட் வாங்குறதுக்கு முன்னாடி.. இருந்தாலும் இதுலயும் ரெண்டு ஈமெயில் அட்ரஸ் இருக்கு..

I --> http://www.123india.com

கிரிகெட் ஸ்கோர் பார்க்குறதுக்கு மட்டும்..இங்க போவுறது..

          http://in.tamil.yahoo.com

சினிமா செய்தி படிக்கிறதுக்கு மட்டும் இங்க போறது.. அதாவது கிசு-கிசு படிக்கிறது என்றால் ரொம்ப பிடிக்கும்..ஹீ.ஹி

J --> http://www.jobsite.com/

உலகம் முழுவதும் வேலை தேடுவதற்கு இது ஒரு மிக சிறந்த தளம்.....
நான் மலேசியா எந்த ஒரு செலவும் இல்லாமல் வந்தது இங்க ரிஜிஸ்டர் பண்ணிதான்.. என்ன ரொம்ப நல்லவன் என்று சொல்லி .. என்னை மலேசியா அனுப்பி வச்ச வெப்சைட் இது..

K --> http://www.keetru.com
          http://www.koodal.com/

தமிழையும்.. தமிழ் செய்திகளையும்.. கவிதைகளையும் அறிந்து கொள்ள.. இது இரண்டும் மிக சிறந்த இணைய தளம்.

L --> www.loosu.com

நீங்க லூசா ஆக வேண்டுமா..? இங்க போங்க .. தானாவே..லூசா ஆயிடுவீங்க..

M --> http://mathy.kandasamy.net/

நம்ம மதியை பற்றி சொல்ல வேண்டுமா.. என்ன? நிஜமாலே இவங்க கிரேட்.நிறைய மூளை இருக்கு. நிறைய எழுதுவாங்க.. நம்ம பதிவர் வட்டத்துல இவங்கள பற்றி கேட்டு பாருங்க.. நம்ம மரத்தடி வெப்சைட் போனவங்களுக்கு தெரிஞ்சு இருக்கும்.

          http://www.moneycontrol.com

ஷேர் மார்கெட் நியூஸ் எல்லாம் உடனுக்குடன் தெரிந்து கொள்ள இது ஒரு மிக சிறந்த இணைய தளம்.

          http://www.mp3world.com

இங்க திரைப்பட பாடல்கள் இலவசமாக நிறைய டவுன்லோட் செய்யலாம்.

N --> http://www.ndtv.com

ஆங்கில செய்திகளுக்கும் , கிரிகெட் ஒவ்வொரு பந்து-க்கு காம்மேண்டோரி படிக்கவும் மிக சிறந்த வெப்சைட்..

O --> http://www.ottraiandril.com

வாரத்துக்கு இரண்டுமுறை இவருக்கு மொக்க போடுறது தான் வேலை.. அதான் இங்க போய் கொஞ்சம் மனச தேத்திகிட்டு போயிட்டு வந்துடுவேன்.. இவருக்கு போட்டியா இன்னும் ஒருத்தர் கூட மொக்க சூப்பர் ஆக போடுவார்.

P --> http://www.pscode.com

இலவசமாக சாப்ட்வேர் ப்ரோக்ரம்மிங் ( .நெட் , ஜாவா) இப்படி நிறைய கோடிங் இங்க இருந்து சுடலாம்,. உரிச்ச வாழைபழம் போல் எல்லாம் இங்கயே இருக்கும்.. அப்படியே எடுத்து நாம பயன் படுத்தி கொள்ளலாம்.

          http://www.photobacket.com

புகைப்படம் எல்லம் சேமித்து வைக்க இது ஒரு மிக சிறந்த தளம்.

Q --> http://quote.yahoo.com/

இந்திய பங்குச்சந்தை பற்றி தெரிந்து கொள்ள மிக சிறந்த இணைய தளத்தை யாகூ இங்கே வழங்குகுறது,

R --> http://www.rose4you.dk

இங்க தமிழ் , ஹிந்தி , தெலுங்கு பாடல்கள் , பாடல் வரிகள் எல்லாம் கிடைக்கும்.
கூடவே கொஞ்சம் சாட் பண்ணிகிலாம்.

          http://www.rediffland.com

நம்ம பிளாக்கர் மாதிரியே இங்கயும் இருக்கு.. நிறைய கவிதை , தகவல்கள் சேமிக்கலாம்

S --> http://www.sramakrishnan.com

மிக சிறந்த கதாசிரியர்.. உங்களுக்கு சொல்லி தெரியவேண்டியதில்லை.. உன்னாலே உன்னாலே படத்து எல்லாம் இவர் தான் வசனம்.. நல்லா கதை எழுதுவார். இவரின் தேசாந்திரி புத்தகம் ரொம்ப பிடிக்கும்.

T --> http://www.techsatish.com

ஒரு முறை இங்க போயிட்டு வாங்க.. உலகத்துல உள்ள டிவி எல்லாம் பார்க்கலாம்.
எப்.எம் எல்லாம் கேட்கலாம், படம் எல்லாம் பார்க்கலாம். இன்னும் நிறைய இருக்கு..
மூன்று மொழியில இந்த வெப்சைட் இருக்கு.

U --> http://www.Upstream.tv

வீடியோ எல்லாம் நிறய இருக்கும்.. ரொம்ப நல்ல வெப்சைட்,.

V --> http://www.vyoms.com

உங்களுக்கு இந்தியாவுல உள்ள வேலைவாய்ப்பு செய்திகள் எல்லாம் தெரிஞ்சுகொள்ள வேண்டும் என்றால் நீங்க இங்க போய் இங்க பெயரை பதிவு செய்து கொள்ளுங்கள்.. ரொம்ப நல்ல வெப்சைட்..

          http://www.vavaasangam.blogspot.com

சிரிப்பதற்கும் , சிந்திப்பதற்கும் எங்களை போன்ற வாலிபர்களுக்கும் இந்த தளம் தான் ஒரு ஆறுதல் தளம்...

W --> http://www.wikipedia.org/

என்னை பொறுத்த வரை உலகின் மிக சிறந்த தளங்களில் இதுவும் ஒன்று,

X --> http://www.xboard.us/

இங்க போனால் நிறைய டவுன்லோட் செய்து கொள்ளலாம்.. நிறைய படம் பார்க்கலாம். நிறைய நிறைய கத்துகலாம்.

Y --> http://www.yellowpages.com/

அடிக்கடி பயன்படுத்துற வெப்சைட்.. நிறைய தெரிஞ்சுக்கலாம்.

Z --> http://www.zapak.com

கேம் எல்லாம் விளையாடுறதுக்கு இதவிட ஒரு நல்ல தளம் எனக்கு தெரியவில்லை.

அப்பாடா... ஒரு வழியா எல்லாம் எழுதி முடிச்சிட்டேன்.. எனக்கு மறந்து போய் இருந்த எ பி சி டி எல்லாம் ஞாபகம் வர உதவியாக இருந்த எனது நண்பர் ஸ்ரீ அவருக்கு ரொம்ப நன்றி..

நான் ஆப்பு வைக்கிற ஆட்கள்.:

1.ரிஷான் ஷெரீப்
2.ஜி
3.நாமக்கல் சிபி.



Rule:

1. The Tag name is A for Apple
2. Give preference for regular sites
3. Ignore your own blogs, sites.
4. Tag 3 People

Read more...

நமது முதல் சந்திபிற்க்கு இந்த
அலை தான் முதல் சாட்சியாக வைக்கிறேன்..
என் காதல் டைரியில்..


உன்னை யார் அன்று அந்த அலையில்
காலை நனைக்க சொன்னது.. பார்த்தாயா...?
இன்று அது தினமும் உன்னை தேடி கரை வரைக்கும்
வந்து செல்கிறது... அடி பாவி..அந்த அலையையே...
அலைய வைத்து விட்டாயே..என்னை பொறுத்த
வரை.. அலையின் காதலும்.. என்னை போல் தான்...


அது என்னவோ தெரியவில்லை... கடற்கரையில் நான்
உனக்கு கொடுத்த முத்தம் எல்லாம்.. இன்று எனக்கு
இந்த அலை கொடுக்கிறது.. நான் மட்டும் தனிமையில்.
உனது காதலன்.......அலையுடன்.


ஆண் அலையும்.. பெண் அலையும்..
ஒன்றை ஒன்று பிடித்து கொள்ள ஓடி பிடித்து
விளையாடியது போல்.. நாமும் விளையாடிய காலங்கள்..
எங்கே..? ஞாபகம் இருக்கிறதா உனக்கு..?

.

Read more...

எனது தேசிய தினம் கூட மறந்துவிடுகிறது..
இத தேவதையின் பிறந்த நாளுக்காக..!

.

நான் அனுப்பும் பிறந்த நாள் பரிசுகளை
சேகரிக்க வேண்டுமானாலும் பரவாயில்லை..
சேதபடுத்திவிடாதே....

.

அது என்னவோ தெரியவில்லை..
உன்னுடைய பிறந்தநாள் மட்டும்
ஒரு திருவிழாவாக தெரிகிறதே எனக்கு..

.

இன்றாவது உனது காதலை சொல்ல
மாட்டாயா..? என எதிர்பார்த்து.. உனது
பிறந்த நாளை வரவேற்கிறேன்..ஒவ்வொரு வருடமும்...
எனக்கு தெரியும்.. சென்ற வருடம் போல்
தான் இந்த வருடமும் என்று.. இருந்தும்
வாழ்த்துகிறேன்..உன்னை..இன்றாவது
எனது வாழ்த்தை ஏற்றுகொல்கிறாய்
என்ற சந்தோஷத்தில்..

.

ஜூலை மலர்களை போல உனக்கு
இந்த மாதமும் சிறந்த மாதம் தான்..
நீ வாழ்க பல ஆண்டு..

Read more...

நேற்று வரை நான் உன்னை
தேடி தான் அலைந்தேன்..
கடைசியில் தான் தெரிந்து..
என்னுடைய தேடல் உன்னை பற்றி அல்ல..
என் இதயத்தை தேடி....

--

தேடல் என்ற வார்த்தையே
எனக்கு தேவாரமாக
போய்விட்டது உன்னால்...

--

அன்று உனக்காக தேடி கிடைக்காமல்
போன வண்ணத்துபூச்சி.,
தும்பி எல்லாம் இன்று
என் கையில்... ஆனால் நீ எங்கே..?

--

நான் தேடல் மட்டும் தான்
வாழ்க்கை என நினைத்து
இன்று என் வாழ்க்கையை
தொலைத்து விட்டு நிற்கிறேனடி..!

--

Read more...

-


அதெப்படி... நீ மட்டும் அடிக்காமல்,
குத்தாமல் எனது இதயத்தை
காயமாக்கி செல்கிறாய்..?

`````````````````````````````````

சிறு குழந்தைக்கு காலில் வரும்
காயத்தை போல எனக்கும் வருகிறது
காதலில் காயம்...

`````````````````````````````````

நீ முத்தமிட்டு சென்ற இடம்
இன்னும் அழியாத
சுவடாய் என் மனதில்...

`````````````````````````````````

எனது நெஞ்சில் நீ முகம் புதைத்து
அழும் நேரத்தில் காயத்திற்கு
சிறு மருந்து கிடைக்கிறது..

`````````````````````````````````

முதல் நாள் காதல் சொல்ல வந்த நான்
தடுமாறி விழுந்த காயம் தான் நம் காதலின்
முதல் சுவடு...

`````````````````````````````````

Read more...

பேருந்தில்.. பயணித்து சென்று நான்
இறங்குகையில்..மீதம் இருப்பது
உன் நினைவுகள் தான்..

%%%%%%%%%%%%%%%%%%%%%%%%%%%%%

மீண்டும் மீண்டும் பயணிக்க தோன்றுகிறது..
உனக்கான நினைவுகளுடன்..

%%%%%%%%%%%%%%%%%%%%%%%%%%%%

பேருந்துக்கு நீ காத்து இருக்கையில்..
திசைகாட்டி பலகை
கூட திரும்பி பார்க்கிறது உன்னை...

%%%%%%%%%%%%%%%%%%%%%%%%%%%%

காதலை சொல்ல சொல்ல நான்
வந்து செலலும் அந்த பேருந்து எனக்கு
காதல் பேருந்தே..

Read more...

இன்னைக்கு கொஞ்சம் வித்தியாசமா யோசிக்கலாம்னு நெனைச்சு ஒரு பெக் பச்ச தண்ணி (உண்மை தானுங்க.) சாப்டுட்டு வந்து மூளைய சொரிஞ்சதுல எனக்கு கொஞ்சம் எகனைக்கு மொகனையா யோசிக்க தோனுச்சு,,. அதன் பிரதிபலிப்பு தான் இங்க..

Oo.......Oo...OO.......oO......

நட்சத்திரங்களை நீ பார்க்கும் போது கூட
நட்சு திரவமாக மாறி விடுகிறது..

Oo.......Oo...OO.......oO......

சூரியன் மன்னிப்பு கோருகிறது உன்னிடம்...
உன்னை பார்த்தவுடன் தான் நான் பிரகாசமாகிறேன்..

Oo.......Oo...OO.......oO......

அந்த கடல் ஓரத்தில் அலை ஒன்றும் சிறு மலை
ஒன்றும் முத்தமிடும் போது நீ சிலையாய் நின்று ரசித்த
காட்சிகள் இன்னும் என் நினைவில்... அழியாமல்.

Oo.......Oo...OO.......oO......

உனது செருப்புகளுக்கு கூட போட்டி நிலவுகிறது..
யாரை முதலில் அணிவது என்று..

Oo.......Oo...OO.......oO......

ரொம்ப ஓவரா யோசிச்சு இருந்தாலும் , மொக்கையா இருந்தாலும் பின்னோட்டம் போட மறந்துடாதீங்க.. கண்டிப்பா பல ________________ எதிர்நோக்கி... நான்..

நினைவுகளுடன்...
மஹா..

Read more...

நித்தம் நித்தம் ஒரு கவிதை எழுதி..
அதில் நினைவெல்லாம் உன்னை சுமந்து ,
காலை சூரியன் கண்திறக்கும் வரை
என் பாவை உனக்கான கவிதை இது..
மீண்டும் உன்னை சந்திப்பதற்கான
ஆசையில் நான் அவசரமாக எழுதிய கவிதை
கூட என்னை பார்த்து சிரிக்கிறது..
கவிதையை பெறும் நீ காதல் வயப்பட்டு
கண்ணாலேயே சிரிப்பாயா..? இல்லை..
மௌனத்தாலேயே கொல்லுவாயா..?
இல்லை.. வேண்டாம் என்று சொல்லி..
நீயே படித்து சொல் என்று என்னிடம் கொஞ்சி
என் மேல் முகம் புதைத்து சிரிப்பாயா..?
இல்லை.. உன் கவிதை பிடித்து இருக்கிறது..
உன்னை பிடிக்கவில்லை என்று சொல்வாயா...?
உனக்கான கவிதை எழுதி முடிக்கையில்..
அங்கு என்னையே நான் தொலைத்து இருந்தேன்,,.
கவிதை எழுதும் போதே உன்னை பற்றியான
சிந்தனைகளை பார்த்தாயா..
நான் காணும் கனவில் கூட உன்னை பற்றியான
நினைவுகள் தான் அன்பே....
மீண்டும் ஒருமுறை சொல்லவேண்டுமா என்ன.?
எந்தன் நிலை பற்றி..? நீயே சொல்....

."."."."."."."."."."."

Read more...

விரும்பும் போது விலகி சென்ற அவள்..
இன்று விலகும் போது விரும்பி வந்து நிற்கிறாள்..
நான் என்ன செய்ய?
நீ விட்டுவிட்டு சென்ற நம் காதலும், அதன் நினைவுகளும்
என்னையும் அறியாமல் பாதுகாத்து வருவது தான் தெரியுமா?
காற்றை மட்டும் சுவாசித்த நான் இன்று உன்னையும் சேர்த்து அல்லவா
சுவாசிக்கிறேன்.. அதுவாது தெரியுமா?
நாம் பழகியதற்கு சாட்சியாக இதோ இந்த காதல் கடிதமும்
இருப்பது உனக்கு பிடிக்க வில்லையா?
இதோ..இன்று மட்டும் வந்து என் காதலை கேட்கிறாயே இது
எந்த விதத்தில் நியாயம்?
பதில் சொல் அன்பே..
நான் இப்படியே இருந்துவிடுகிறேன்,..மீண்டும் வேண்டாம் ஒரு காதல் வலி.

......

Read more...

இறைவனுக்கே தெரிந்து இருக்கிறது..
நீ பிறக்கும் போதே அழகாக இருந்ததின்
காரணமாக தான் படைத்தான்
அந்த வலது ஓரத்து மச்சம் உன் கன்னத்தில்...

~~~~~~~~~~~~~~~~~~~~~~~~~~~~~~~

உன்னுடைய பதிலுக்கு காத்திருந்து நான்
என்ன கேள்வி கேட்டேன் என்றே மறந்து போனேன்..

~~~~~~~~~~~~~~~~~~~~~~~~~~~~~~~

எனக்கு போட்டியாக எனக்கே தெரியாமால்
என் உதடும் , கன்னமும் , என் நெற்றி பொட்டும்
வரிசையில் காத்து இருக்கிறது உன் முத்ததிற்காக...!

~~~~~~~~~~~~~~~~~~~~~~~~~~~~~~~

அந்த ரோஜாபூக்கு கூட தெரிந்து இருக்கிறது..
என்னவள் இல்லை என்றால் வாடுகிறது என்னை போல..

Read more...

சில பூக்கள் அவள் மேல் விழுந்தன..
சில பூக்கள் என் மேல் விழுந்தன....
ஒரு சிறு வித்தியாசம் தான்....

நான் கல்லறையில்...
அவள் மணவறையில்....

Read more...

நான் நாள் முழுவதும் அவள் கூந்தல்
அசைவின் காற்றில் தான் சுவாசிக்கிறேன் .!
நான் வாழ்வதற்கு தேவைப்படும் வெப்பம்
அவள் சிரிக்கும் அந்த வெளிச்சத்தில் தான்..!
அவள் எங்கு இருந்தாலும் அவளை பார்த்து கொண்டு
தான் இருக்கிறேன் ..! நாள் முழுவதும்..!
விடுமுறை நாளில் கூட விடுப்பு எடுக்காமல்..பார்க்க வருகிறேன்.!
உன் விருப்பதிற்க்காக..! இதுநாள் வரை..!

- ஒரு சூரிய பூவின் சந்தோஷ புலம்பல்..!

நானும் உன்னை போலவே தான்.!
வேண்டாம்..பூவே..! வேண்டாம்..!
நீயும் நாளை என்னை போல் ஆகிவிடலாம்..!
நாளையிலிருந்து உன் போக்கை மாற்றி விடு..!
இல்லை என்றால் உன்னையும் ஏமாற்றி விடுவாள்...ஒரு நாள்..!

- நான்..!

Read more...

என்னிடம் இருந்து எளிதாய் விடைகளை பெற்று விடும் நீ
என் கேள்விகளை ஏறடுத்தும் பார்ப்பதில்லை..
ஒ..! அன்பே..இப்போதுதான் புரிகிறது...
ஒரு வேலை பிற்காலத்தில் நிறைய பேசுவதற்கு
இப்போதே சேமிக்க தொடங்கி விட்டாயா?...!

வேண்டாம் அன்பே....நீ பேச வேண்டாம்...
உன் ஒரு நொடி பார்வையே போதும்..
நான் உயிர் வாழ..! நம் காதல் வாழ..!

Read more...

காதலே வேண்டாம் என்று சொன்ன உன்னால்...
காதலித்துத்தான் பார் என்றேன்...! காதலித்தோம்..!
எதோ ஒரு சூழ்நிலையால்...
பிரிவோம் என்றோம்..! பிரிந்தோம்..!

பிரிவிற்குப் பின்னான நம் முதல் சந்திப்பில்
எந்தக் காரணமும் சொல்லாமல்
இருவரும் ஒருவரை ஒருவர் கட்டி
தழுவி முகம் புதைத்து அழும் போது
நீ வடித்தக் கண்ணீரில்..!
எனக்கு அங்கேயே செத்துவிடவேண்டும் என்று தோன்றியது..!
இனியும் வேண்டாம் அன்பே..ஒரு பிரிவினை,,!

Read more...

ஒவ்வொரு நாளும் அவளுக்கு மெசேஜ் அனுப்பினேன் ..!

நீ அழகு என்று ..

நீ என் உயிர் என்று ,

நீ என் வாழ்வென்று ,

நீ என்றும் என்னுடன் வரவேண்டுமென்று ..!

நீயே என் உலகம் என்று ..!

அவள் கடைசியாக ஒரு நாள் கால் பண்ணி கேட்டாள்..!

"Hey..! உனக்கு SMS Free -ya என்று..! .

Read more...

"பிரிவுகள் நிரந்தரம் இல்லை" இந்த வார்த்தை,
என்றும் ஒலித்துக்கொண்டு இருக்கிறது..
நீயும் ஒரு நாள் வருவாய் என்ற ஏக்கத்துடன்,.!

நீ என்னை விட்டு விலகி இருக்கிறாய் என்றுதான்
நினைத்து கொண்டு இருக்கிறேன்..ஆனால்..
ஆனால் உன்னுடைய ஒரு நொடி சிரிப்பும் ,
அந்த செல்லமான சினுங்களும் இன்றும் சொல்கிறேன்
செத்து செத்து தான் பிழைகிறேன்..நான்...
ஒவ்வொரு முறை உன்னை நினைக்கும் போதும்..

நீ வேண்டுமானால் என்னை விலகி இருக்கலாம்..
ஆனால் நாம் காதல் செய்தற்கு சாட்சியாக உள்ள
நாம் சந்தித்த இடமும் , காதல் கடிதங்களும் இன்றும்
இருக்கிறது...மீண்டும் வருவாய் என்ற நம்பிக்கையுடன்..!

உனக்கு எப்படியோ..! காதல் என்ற சொல் என் காதில்
கேட்கும் போது உன் முகம் கண்முன் வருவதை
தவிர்க்க முடியவில்லை..................

Read more...

நீ வகுப்பறையில் நுழையும் போது
கரும்பலகையும் சிவக்கிறது...
என்னைப்போல..,...!

Read more...

நீண்ட பிரிவுக்குப் பிறகு சந்தித்ததும்,
கட்டிப் பிடித்து முத்த மழை பொழிகிறாள்.
“எங்கிட்ட பேசவே மாட்டேன்னு சொன்ன?” என்று கேட்டால்
“பேச மாட்டேன்னு தான சொன்னேன்” என்று
சுவரில் எழுதிக் காட்டுகிறாளே… இவளை என்ன செய்ய?
என் பங்குக்கு நானும் கொஞ்(சு)சம் முத்தமிடுவதைத் தவிர..!

Read more...

அன்று நடந்த சந்திப்பிற்கு பின்பு ,

அந்த ஒரு இரவில் நானும் நீயும்
ஒருவரை ஒருவர் செல்லமாய்
நீ என்னை " ச்சீ.. போடா" என்றும் ,
நான் உன்னை "போடி..லூசு" என்றும்
திட்டி கொண்ட காலங்கள் இன்றும் என் நினைவில்.!

இதோ இன்றும் நினைவில் இருக்கிறது,
அன்று நான் தந்த முத்தத்திற்கு , நீ
பதிலேதும் சொல்லாமல் அமைதியாய்
வெட்கப்பட்டு சென்றதும், நானும் உன்னை
பார்க்க முடியாமல் அந்த நொடியில் ,
பார்வை இழந்து நின்றதும்..இன்றும் என் நினைவில்..!

பகல் நேரத்து நிலா எப்படி யாருக்கும் தெரியாமல்
போகிறதோ அதே போல் தான் நானு போகிறேன்..
உன் நினைவுக்கு பிறகு.. ஒரு காதல் பிம்பமாய்..!

நினைவுகள் என்பது நினைப்பது அல்ல...
பல மைல் தூரம் கடந்து நீயும் நானும்
பரிமாறி கொள்ளும் ஒரு ஆழ்ந்த உணர்வு..!
பரிச்சயமாய் நீ எனக்குதான் என்று தெரிந்தும் ,
பரிதவித்து தான் போகிறேன் ஒவ்வொரு நொடியும்..!

Read more...

இன்று என்று இல்லை...
என்றாவது ஒரு நாள் அவள் வருவாள்...
என்னிடம் பேசுவாள்...!
என் காதலை பற்றி பேசுவாள்..!
எனக்கு கட்டி பிடித்து முத்தம் தருவாள்..!
ஆனால் அதை எல்லாம் கான
நான் இருக்க மாட்டேன்..
என் ஆத்மா இருக்கும்..!
உன்னோடு வாழ இந்த உடல் தான் கொடுத்து வைக்க வில்லை..
இதோ இன்று என் ஆத்மாவை விட்டு செல்கிறேன்,
பிடித்து இருந்தால் சொல்..!
மீண்டும் நான் பிறக்கிறேன்... உனக்காக..!
நம் காதலுக்காக..! உன் காதலனாய்..!

Read more...

அன்று நீ ஏன் அழுதாய் ..? அழாமல் சென்று இருந்தால்
இன்று நான் நிம்மதியாக இருந்து இருப்பேன்..
நிகழ்வுகள் அனைத்தும் உன்னையே நினைவு படுத்துகின்றன..
அதுவும் ஒரு விதத்தில் நன்மையே எனக்கு..! ஆம்..
இன்று நான் ஒரு காதல் நாடோடியாய் இருக்கிறேனே.!..

உன்நினைவுகள் என்றும் நிலைப்பதில்லை..
நிறுவப்படுகின்றன.. என் காதல் டைரியில்..
தினமும் இரவுகளில் பருகபடுகின்றன..!
நம் காதல்கள்..! உன் நினைவுகளால்..!

Read more...

மல்லாக்கப் படுத்து வீட்டின் மோட்டுவளையைப் பார்த்துக்கொண்டிருந்த நமது நண்பர் ராஜா அவர்கள்் கால எந்திரத்தில் 2020-க்குப் பயணித்தால் என்ன எனத் திடீரென்று தோன்றியது. மூளையைக் கசக்கி அங்கு பத்திரிகைகளில் அவர்் படித்த தலைப்புச் செய்திகளே இவை.

குறிப்பு : இதில் கூறப்படும் செய்திகள் யார் மனதையும் புண்படுத்தும் நோக்கில் எழுதப்பட்டவை அல்ல; சிரித்துவிட்டு மறந்துவிடுங்கள்.
தேதி : 01.01.2020

1. ஸ்பைடர்மேன் பாகம் 15 இன்று வெளியீடு
2. ஆஸ்திரேலியா எட்டாவது முறையாக உலகக்கோப்பையைக் கைப்பற்றியது
3. ஐஸ்வர்யாராயின் ஏழாவது திருமணம் - சல்மான், விவேக், அபிஷேக் பங்கேற்பு
4. பெட்ரோல் விலை சற்றே சரிவு– விலை லிட்டருக்கு ரூ. 999 மட்டுமே
5. சன் டிவியில் "கோலங்கள்" 4,450 வது பாகத்தைத் தொட்டது
6. இந்தியக் கிரிக்கெட் அணியின் பயிற்சியாளர் கங்குலி தன் பதவியை ராஜினாமா செய்தார்
7. திரிஷாவினுடைய இளைய மகள் ரஜினியின் புதிய படத்தில் கதாநாயகியாக நடிக்கிறார். படத்தின் பெயர் எம்.ஜி.ஆர்
8. எட்டாவது முறையாக முதல்வராகப் பதவியேற்றார் 95 வயதாகும் கலைஞர் கருணாநிதி
9. நடிகர் தனுஷுக்கும், இயக்குனர் சூர்யாவுக்கும் டாக்டர் பட்டம் வழங்கிக் கௌரவித்தது தனியார் பல்கலைக்கழகம்
10. வரலாறு காணாத உயர்வு : பங்குச் சந்தை சென்செக்ஸ் 34,000 புள்ளிகளைத் தொட்டது
11. மைக்ரோசாப்ட் நிறுவனர் பில்கேட்ஸ் உலகப்பணக்காரர்கள் வரிசையில் தொடர்ந்து முதலிடம். அவரது சொத்துமதிப்பு 1,00,00,00,00,00,00,000 கோடி
12. காஷ்மீர் பிரச்சினையில் விரைவில் சுமூகத் தீர்வு காணப்படும் – பிரதமர் ராகுல் காந்தி
13. சச்சின் டெண்டுல்கர் ஒருநாள் போட்டிகளில் இருந்து ஓய்வு பெறப்போவதாகத் தெரிவித்தார். ஆனால் தொடர்ந்து டெஸ்ட் போட்டிகளில் விளையாடுவார்
14. இந்தியாவின் மக்கள்தொகை 220 கோடியை எட்டி மகத்தான சாதனை
15. பிரேமானந்தாவின் அப்பீல் மனுவை விசாரித்த உச்சநீதிமன்ற நீதிபதி அவர் நிரபராதி எனக் கூறி விடுவித்தார்
16.டாடா இண்டிகாம் தனது புதிய சலுகையை வெளியிட்டது. பத்துத் தலைமுறைக்கு வேலிடிட்டி உள்ள புதிய ப்ரீபெய்டு கார்டின் விலை ரூ. 69
17. ஓசோன் படலம் தடவப்பட்ட குடைகள் அமோக விற்பனை. இக்குடைகள் விற்பனையில் ரிலையன்ஸ் முன்னிலை
18. தக்காளியின் விலை கிலோ ஒன்றுக்கு ரூ. 220 ஆக விலை குறைந்தது. சென்ற வாரம் அது 230 ஆக இருந்தது குறிப்பிடத்தக்கது

Read more...

இருப்பவனுக்கோ வந்துவிட ஆசை
வந்தவனுக்கோ சென்று விட ஆசை
இதோ அயல்தேசத்து ஏழைகளின்
கண்ணீர் அழைப்பிதழ்!

விசாரிப்புகளோடும்
விசா அரிப்புகளோடும் வருகின்ற

கடிதங்களை நினைத்து நினைத்து
பரிதாபப்படத்தான் முடிகிறது!

நாங்கள் பூசிக்கொள்ளும்
சென்டில் வேண்டுமானால்...
வாசனைகள் இருக்கலாம்!
ஆனால் வாழ்க்கையில்...?

தூக்கம் விற்ற காசில்தான்...
துக்கம் அழிக்கின்றோம்!
ஏக்கம் என்ற நிலையிலேயே...
இளமை கழிக்கின்றோம்!

எங்களின் நிலாக்கால
நினைவுகளையெல்லாம்...
ஒரு விமானப்பயணத்தூனூடே
விற்றுவிட்டு

கனவுகள்
புதைந்துவிடுமெனத் தெரிந்தே
கடல் தாண்டி வந்திருக்கிறோம்!

மரஉச்சியில் நின்று
ஒரு தேன் கூட்டை கலைப்பவன் போல!
வாரவிடுமுறையில்தான்..
பார்க்க முடிகிறது
இயந்திரமில்லாத மனிதர்களை!

அம்மாவின் ஸ்பரிசம்
தொட்டு எழுந்த நாட்கள்
கடந்து விட்டன!
இங்கே அலாரத்தின் எரிச்சல் கேட்டு
எழும் நாட்கள் கசந்து விட்டன!

பழகிய வீதிகள் பழகிய நண்பர்கள்
கல்லூரி நாட்கள் தினமும் ஒரு இரவு
நேர கனவுக்குள் வந்து வந்து
காணாமல் போய்விடுகிறது!

நண்பர்களோடு ஆற்றில்
விறால் பாய்ச்சல்
மாட்டுவண்டிப் பயணம்
நோன்புநேரத்துக் கஞ்சி
தெல்கா - பம்பரம் - சீட்டு - கோலி என
சீசன் விளையாட்டுக்கள்!

ஒவ்வொரு
ஞாயிற்றுக்கிழமையாய் எதிர்பார்த்து...
விளையாடி மகிழ்ந்த உள்ளுர்
உலககோப்பை கிரிக்கெட்!

இவைகளை
நினைத்துப்பார்க்கும்போதெல்லாம்...
விசாவும் பாஸ்போட்டும் வந்து...
விழிகளை நனைத்து விடுகிறது.!

வீதிகளில் ஒன்றாய்
வளர்ந்த நண்பர்களின் திருமணத்தில்!
மாப்பிள்ளை அலங்காரம்!

கூடிநின்று கிண்டலடித்தல்!
கல்யாணநேரத்து பரபரப்பு!

பழையசடங்குகள்
மறுத்து போராட்டம்!
பெண்வீட்டார் மதிக்கவில்லை
எனகூறி வறட்டு பிடிவாதங்கள்!

சாப்பாடு பரிமாறும் நேரம்...
எனக்கு நிச்சயித்தவளின் ஓரப்பார்வை!
மறுவீடு சாப்பாட்டில்
மணமகளின் ஜன்னல் பார்வை!

இவையெதுவுமே கிடைக்காமல்
"கண்டிப்பாய் வரவேண்டும்
" என்ற சம்பிரதாய அழைப்பிதழுக்காக...
சங்கடத்தோடு

ஒரு
தொலைபேசி வாழ்த்தூனூடே...
தொலைந்துவிடுகிறது
எங்களின் நீ..ண்ட நட்பு!

எவ்வளவு சம்பாதித்தும் என்ன?
நாங்கள் அயல்தேசத்து
ஏழைகள்தான்!

காற்றிலும் கடிதத்திலும்
வருகின்ற சொந்தங்களின்...
நண்பர்களின் மரணச்செய்திக்கெல்லாம்

அரபிக்கடல் மட்டும்தான்...
ஆறுதல் தருகிறது!

ஆம்
இதயம் தாண்டி
பழகியவர்களெல்லாம்...
ஒரு கடலைத்தாண்டிய
கண்ணீரிலையே...
கரைந்துவிடுகிறார்கள்;!

"இறுதிநாள்" நம்பிக்கையில்தான்...
இதயம் சமாதானப்படுகிறது!

இருப்பையும் இழப்பையும்
கணக்கிட்டுப் பார்த்தால்
எஞ்சி நிற்பது இழப்பு மட்டும்தான்...

பெற்ற குழந்தையின்
முதல் ஸ்பரிசம் முதல் பேச்சு...
முதல் பார்வை... முதல் கழிவு...
இவற்றின் பாக்கியத்தை
தினாரும் - திர்ஹமும்
தந்துவிடுமா?

கிள்ளச்சொல்லி
குழந்தை அழும் சப்தத்தை...
தொலைபேசியில் கேட்கிறோம்!

கிள்ளாமலையே
நாங்கள் தொலைவில் அழும் சப்தம்
யாருக்குக் கேட்குமோ?

ஒவ்வொருமுறை ஊருக்கு
வரும்பொழுதும்...
பெற்ற குழந்தையின்
வித்தியாச பார்வை...
நெருங்கியவர்களின் திடீர்மறைவு

இப்படி
புதிய முகங்களின்
எதிர்நோக்குதலையும்...
பழையமுகங்களின்
மறைதலையும் கண்டு...
மீண்டும்

அயல்தேசம் செல்லமறுத்து
அடம்பிடிக்கும் மனசிடம்...

தங்கையின் திருமணமும்...
தந்தையின் கடனும்...
பொருளாதாரமும் வந்து...
சமாதானம் சொல்லி அனுப்பிவிடுகிறது
மீண்டும் அயல்தேசத்திற்கு!

Read more...

நட்புக்கு கூட கற்புகள் உண்டு நல்லா தெரிஞ்சுக்கடா!

ஒன்பதரை மணி காலேஜிக்கு
ஒவ்வொருத்தனா கெளம்பும் போது
ஒருத்தன் மட்டும் தூங்கிகிட்டிருப்பான்
ஒன்பது இருபது ஆகுற வரைக்கும்...

அடிச்சி புடிச்சி கெளம்புறப்போ
அரை குறையா குளிச்சதுண்டு
பத்து நிமிஷ பந்தயத்துல
பட படன்னு சாப்டதுண்டு

பதட்டதோட சாப்பிட்டாலும்
பந்தயத்துல தோத்ததில்ல,
லேட்டா வர்ற நண்பனுக்கு
பார்சல் மட்டும் மறந்ததில்ல!

விறுவிறுன்னு நடந்து வந்து
காலேஜ் Gate நெருங்குறப்போ
'வெறுப்படிக்கிதுடா மச்சான்'னு
ஒருத்தன் பொலம்பி தொலச்சாக்கா,
வேற எதுவும் யோசிக்காம
வேகவேகமா திரும்பிடுவோம்
வெட்டியா ரூம்ல அரட்டை அடிக்க,
இல்ல 'வெற்றி' தியேட்டர்ல படம் பாக்க!

'கஷ்டப்பட்டு' காலேஜிக்கு போனா
கடங்கார professor கழுத்தறுப்பான்...
assignment எழுதாத பாவத்துக்கு
நாள் முழுக்க நிக்கவச்சி தாக்கறுப்பான்!

கேலி கிண்டல் பஞ்சமில்ல,
கூத்து கும்மாள குறையுமில்ல,
எல்லாருக்கும் சேத்துதான் punishmentன்னா
H.O.Dய கூட விட்டதில்ல!

ஈ அடிச்சான் காபி இந்தபக்கம்னா
அத அடிப்பான் காபி அந்தபக்கம்...
ஒருத்தன் மட்டும் படிச்சிட்டு வந்து
ஒன்பதுபேர் பாஸ் ஆனதுண்டு!

பசியில யாரும் தவிச்சதில்ல

காரணம் - தவிக்க விட்டதில்ல...

டீக்கடையில கடன்வச்சி குடிச்சாலும்

சரக்கடிக்க பஞ்சமே வந்ததில்ல!

அம்மா ஆசையா போட்ட செயினும்
மாமா முறையா போட்ட மோதிரமும்
fees கட்ட முடியாத நண்பனுக்காக
அடகு கடை படியேற அழுததில்ல ...

சட்டைய மாத்தி போட்டுக்குவோம்
சாதி சமயம் பாத்ததில்ல,
மூஞ்சிமேல காலபோட்டு தூங்கினாலும்
முகவரி என்னன்னு கேட்டதில்ல!

படிச்சாலும் படிக்கலன்னாலும்
பிரிச்சி வச்சி பாத்ததில்ல...
அரியர்ஸ் வெச்சாலும் வெக்கலன்னாலும்
அந்தஸ்த்து பாத்த ஞாபகமில்ல!

வேல தேடி அலையுறப்போ
வேதனைய பாத்துப்புட்டோம்
'வெட்டி ஆபிஸர்'னு நெஜமாவே
மாறி மாறி சிரிச்சிகிட்டோம்!

ஒருத்தன் மட்டும் சம்பாதிக்க ஆரம்பிச்சு
ஒன்பது பேரும் உக்காந்து சாப்பிட்டப்போ
மனசு கட்டபொம்மனா நண்பனுக்கு நன்றி சொல்ல
கண்ணு எட்டப்பனா கண்ணீர் சிந்தி காட்டி குடுக்கும்...
பக்குவமா இத கண்டும் காணாம
நண்பன் தட்டி கொடுக்க நெனைக்கிறப்போ
'சாப்பாட்ல காரம்டா மச்சான்'னு
சமாளிச்சி எழுந்து போவோம்...

நாட்கள் நகர,
வருஷங்கள் ஓடுது,
எப்போதாவது மட்டுந்தான் இ-மெயிலும் வருகுது
"Hi da machan... how are you?" வுன்னு...

தங்கச்சி கல்யாணம்,
தம்பி காலேஜி,
அக்காவோட சீமந்தம்,
அம்மாவோட ஆஸ்த்துமா,
personal loan interest,
housing loan EMI,
share market சருக்கல்,
appraisal டென்ஷன்,
இந்த கொடுமையெல்லாம் பத்தாம
'இன்னிக்காவது பேச மாட்டாளா?' ன்னு
இஞ்சிமறப்பா போல ஒரு காதல்,

எப்படியோ வாழ்க்க ஓடுது ஏடாகூடமா,
நேரம் பாக்க நேரமில்ல போதாகாலமா!

இ-மெயில் இருந்தாலும்
இண்டர்னெட் இருந்தாலும்
கம்பெனியில ஓசி phone இருந்தாலும்
கையில calling card இருந்தாலும்
நேரம் மட்டும் கெடைக்கிறதில்ல
நண்பனோட குரல கேக்க
நெனச்சாலும் முடியறதில்ல
பழையபடி வாழ்ந்து பாக்க!

அலைபேசி இருந்தும் அழைக்க முடியாம போனாலும்
orkut இருந்தும் scrap பன்ன முடியாம போனாலும்
'available' ன்னு தெரிஞ்சும் chat பன்ன முடியாம போனாலும்
'ஏண்டா பேசல?' ன்னு கோச்சிக்க தெரியல..
இத பெரிய பிரச்சனையா யோசிக்கவும் முடியல!

கல்யாணத்துக்கு கூப்பிட்டு
வரமுடியாமா போனாலும்,
அம்மா தவறின சேதி கேட்டதும்
கூட்டமா வந்தெறங்கி,
தோள் குடுத்து தூக்கி நிறுத்தி
பால் எடுத்தவரை கூட இருந்து
சொல்லாம போக வேண்டிய இடத்துல
செதுக்கிவச்சிட்டு போன என் தோழர்கள்
தேசம் கடந்து போனாலும்
பாசம் மறந்து போகாது!
பேசக் கூட மறந்தாலும்
வாசம் மாறி போகாது!
வருஷம் பல கழிஞ்சாலும்
வரவேற்பு குறையாது!
வசதி வாய்ப்பு வந்தாலும்
'மாமா' 'மச்சான்' மாறாது!

Endrum Natpudan
Ungal Nanban.

Read more...

பிறிதொரு நாளில் சேர்ந்தே படிக்கலாமென‌
பத்திரப்படுத்திய ஆட்டோகிராப் ஏட்டை
மெல்ல புரட்டுகிறேன் தனிமையில்

வழக்கமான வார்த்தைகளையும்
வாழ்த்துக்கவிதைகளையும் தாண்டி
புத்த‌கமெங்கும் இரைந்து
கிட‌க்கிற‌து ந‌ம் காதலின் நினைவுக‌ள்

ந‌ம் பொருத்த‌த்தை பாராட்டும் தோழ‌னின் மகிழ்வு
அடுத்த‌ ச‌ந்திப்பிற்கான‌ ச‌ந்த‌ர்ப்ப‌மாய்
ந‌ம் திருமண‌ம் அமையுமென நம்பிய க‌ன‌வுக‌ள்;
அத‌ற்கு வ‌ர‌முடியுமோ என்ற ச‌ந்தேக‌த்தில் அப்போதே
அழத்தொடங்கிய‌ தோழியின் புலம்பல்கள்……

காதலை காகிதத்தில் சொல்ல மறுத்துவிட்ட உன்னால்
ப‌க்க‌வாத்திய‌ங்க‌ள் ப‌ல‌மாக‌ இசைக்க‌யில்
பாட‌கி ம‌ட்டும் மௌன‌ம் காக்கும் இசைக்க‌ச்சேரியாய்
தானிருக்கிற‌து இந்த‌ புத்த‌க‌ம்

உண‌ர்வுக‌ளை எப்போதும் உர‌க்க‌ சொன்ன‌தில்லை நீ;
பிரிய‌த்தின் போதும்,
பிரிவின் போதும்

Read more...

ஓவியப் போட்டியென்றால்
உன்னை வரைந்து அனுப்பலாம்…
காவியப் போட்டியென்றால்
நம் காதல் கதையனுப்பலாம்…
இது கவிதை போட்டியாம்!

வெற்றி பெற வேண்டுமென்றால்
உன் பெயரைத்தான்
அனுப்ப வேண்டும்…
சிறியதாக இருக்கிறதென்று
ஒதுக்கி விட்டால்?

காதலியைப் பற்றிய
கவிதை வேண்டுமாம்…
சிலையைப் பற்றியென்றால்
சில நொடியில் எழுதுவேன்…
ஓவியம் பற்றியென்றால்
ஒரு நொடி போதும்…
கவிதையைப் பற்றியே
கவிதை வேண்டுமென்றால் எப்படி?

சரி எழுதுவோம்
என்று உட்கார்ந்தால்
கவிதை வளர்கிறதோ இல்லையோ
உன் மேல் காதல் தான் வளர்கிறது!

உன் அழகைச் சொல்ல ஆரம்பித்தால்
பூக்களின் குறிப்பாகி விடுகிறது…
உன் குரலை வருணித்தால்
இசைக் குறிப்பாகி விடுகிறது…
பின் எப்படிதான்
உன்னைப் பற்றி கவிதை எழுதுவதாம்?

என்ன எழுதினாலும், உன்னுடைய

“அச்சச்சோ!”
“ஊஹூம்…”
“ம்க்கும்!”
“ப்ச்..ப்ச்..”
“ஹேய்…”

…க்களுக்கு முன்னால்
என் கவிதைகள் தோற்று விடுகின்றன!

இன்னும் போராடி கவிதையாக,
ஒரு கவிதையெழுதினாலும்
அதை விட கவித்துவமாக நீயே இருக்கிறாய்!

பேசாமல் இந்தக் கவிதைப் போட்டிக்கு
நானனுப்பும் கவிதையாக நீயே போகிறாயா?

வேண்டாம்… வேண்டாம்…
நீ போனால் அப்புறம் அழகிப் போட்டியென்று
நினைத்துக் கொள்ளப் போகிறார்கள்!

கவிதைப் போட்டியோ
அழகிப் போட்டியோ
நீ போனால் பரிசு நிச்சயம்…
கொஞ்சம் யோசித்து சொல்!

Read more...

அலுவலகத்திலிருந்து ஆறரை
மணிக்கே கிளம்பினேன்
இருந்தும் ஆச்சரியமில்லை,
அன்று ஞாயிற்றுக்கிழமை

பேருந்து நிறுத்தத்தில்
இரயிலுக்காக
காத்திருந்தேன்
ஐந்தாறு பேருந்துகள் ஒரே
நேரத்தில் தான்
வருமென்பதால்
அப்படி அழைப்பது தவறில்லை
என்றே தோன்றியது....

சில சமயம் பேருந்தும்
மழையும் ஒன்றுதானே
காத்திருக்கும் போது
வருவதில்லை..
வேகமாய் வந்தாலும்
நிற்பதில்லை...

உரசியபடி வந்து நின்றது
ஷேர் ஆட்டோ
மொத்த சாக்லேட்டையும்
வாயில் போட்ட குழந்தையைப்
போல வண்டி
புறப்பட்டது....

உயிர்நண்பர்களுடன் கூட
அவ்வளவு அருகே
பயணித்ததில்லை...
கடிவாளமிட்ட குதிரை கூட
காத்திருந்து சென்றது
சிக்னலில்
அவசரத்தில் ஆறாம் அறிவை
வீட்டிலேயே விட்டிட்டான்
போலும்...

ஒருவழியாய் சென்றடைந்தேன்
வீட்டை
சாப்பாடு இருக்கா என்றேன்
நண்பர்களிடம்...
சத்தம் மட்டும் கேட்டது
ஹாட்-பாக்ஸில் இருப்பதாய்..
பாக்ஸ் என்றே
சொல்லியிருக்கலாம் அவன்...
சுடாத(ஆறின)தோசையையும்,சுட்ட
தம்மையும் முடித்துவிட்டு
வந்தமர்ந்தேன்...
சிணுங்கியது செல்போன்
சிந்தனையில் அவளோ
என்றெண்ணி எடுத்தால்
நினைத்தது என்று
நடந்திருக்கிறது

display யில் PL Calling...

"Hi.. We have an urgent meeting tommorrow.
please be sharp at 9 AM... Thanks"

தூங்கிக்கொண்டிருந்தவர்களுக்கு
சத்தமில்லாமல் சன் நியூஸ்
பார்த்தேன்
அவர்கள் சொன்னார்கள்
அடுத்த 48 ம்ணி நேரத்திற்கு
கன மழையென்று...
இவர்கள் சொன்னது என்று
நடந்திருக்கிறது என்றது
மனது சிரித்தபடி.

இருந்தும் ஆசையுற்றேன் மழை
பொழிய
காலைத்தூக்கத்தை துறக்க
துறவி கூட தயங்க
நான் எழுந்தேன் கடமை
முடிக்க
காதுகளில் கேட்டது மழையின்
சத்தம் மட்டுமல்ல TV யும்
தான்.
பள்ளி,கல்லூரிக்கு
விடுமுறையாம்
நமக்கில்லையே,இது
முறையாம்!!!

நீச்சலடித்து வந்தேன்
பேருந்து நிறுத்தத்திற்கு
Fevicol விளம்பரம் போல் வந்து
நின்றது பேருந்து
வழி இல்லாமல் நானும் model
ஆனேன்.

"சனியன் ஒழுகுது" குரல்
கேட்டு திரும்பினேன்
மழைத்துளி என்ன உளியா?
உன்னை துளைப்பத்ற்க்கு
கேட்க நினைத்து கேட்காமல்
திரும்பிக்கொண்டேன்.

ஒன்றிரண்டு மாதத்தில் bike
வாங்கணும்
சிந்தனையைச் சிதறச்
செய்தது சிந்தனை சிதறி bike ல்
விழுந்து செத்தவன்
காட்சி!அவசரம் ஏன் மாதம்
5-6ஆகட்டுமே என்றது
மனசாட்சி!

என்று இறங்கியிருக்கிறோம்
நிறுத்தம் வந்தவுடன்
பல அடி முன்பே படியில்
நின்றேன்
வாய் வாசித்தது "படியில்
பயணம் நொடியில் மரணம்"

சாட்சியாய் படிக்கட்டில்
தவறிய தண்ணீர்துளிகள்
சக்கரத்தில் செத்துக்
கொண்டிர்ருந்தன.
உடனே இரண்டடி எகிறினேன்.

ஒரு வழியாய் office
வந்தடைந்தேன்.
5 நிமிடம் தான் இருந்தது மணி
9 ஆக
அப்பாடா! என்றமர்ந்தேன்
என் இருக்கையில்.
செல்போன் சிணுங்கியது.
display ல் PL calling...

"Sorry.. I was caught up in the train..
we will have meeting later..."

என்றது குரல் வீட்டில்
இருந்தபடி
என்னடா வாழ்க்கை இது
வெறுத்தபடி தலை
குனிந்தேன்.
side ல் graphics தெரிந்தார் அப்பா.

என் கடைசி பையன் software engineer ஆ
வேலை பார்க்கிறான்...
அடுத்து அம்மா
mobile நல்லா இருக்குப்பா ஆனா
options தான் ஒண்ணும் புரியலே...
வாழ்க்கையின் அர்த்தம்
புரிந்த ஆனந்தத்துடன்
தொடங்கினேன் வேலை.............

Read more...